يوه شل کسيزه ډله طالبان دسولې له بهير سره يوځاى شول

Typography

دملا داود په سرګروپۍ  يوه شل کسيزه ډله  وسله وال طالبان په هلمند ولايت کې دسولې له بهير سره يوځاى شول

دغه کسان  دقومي مشرانو په منځګړيتوب او دملي امنيت دځواکونو په هلوځلو سره له  وسلو سره يې له دولت سره يوځاى شول .
دهلمند والي حيات الله حيات دسولې له بهير سره ددغې شل کسيزې  وسله والو طالبانو دپيوستون هرکلي وکړ او له هغوى  څخه يې وغوښتل چې دسولې اوثبات په ټينګښت او دبيا جوړونې دپروژو په عملي کولو کې له نورو چاروچارواکوسره اوږه په اوږه  هلې ځلې وکړي او دامنيت په تامينولو کې فعاله ونده واخلي .
دغوکسانو خپله شل ميله سپکه او درنده وسله چې څوکلاشينکوفونه  دمخابرې  يوه دستګاه ډول ډول ګولۍ   شپږ موټرسايکلونه اويوکرولا موټر هم پکې دى دولت ته وسپارله .
دسولې  له بهير سره ديوځاى شويو کسانو سرګروپ ملا داود وويل له څوکلونو راپديخوا  دهلمند ولايت  په مرکز او بيلابيلو ولسواليو کې له دولت سره په مخالفت کې په تروريستي اوورانکارو فعاليتونو بوخت و او اوس دملي روغې جوړې دتګلاري په حقانيت په پوهيدو سره له دولت سره يوځاى شوو او دامنيت  په تامينولو کې هراړخيزه همکاري کوي .