22
الخميس, آب

Top Stories

په کندوز کې د بې پولې ډاکټرانو روغتون بیا په فعالیت پیل وکړ. د دغه روغتون مسوولین وایي، چې په اونۍ کې به ۵ ورځې فعالیت کوي، خو د شپې لخوا د ناروغانو لپاره بستر نه لري، له همدې امله ناروغان به ترې سیمه ییز روغتون ته لېږدوي.

MSF Hospital Reopened

ايډز يوه ډیره خطرناکه او وژونکې ناروغي ده. د دې ترڅنګ سپين زيړی او تور زيړی هم هغه ناروغۍ دي، چې ډیری خلک پرې اخته دي. ډیری وختونه دغه ناروغۍ په کليو او بانډو کې د ډيرو خلکو د مړينې لامل کېږي. 

د عامې روغتیا وزارت وایي، افغانستان د روغتیا نړیوال سازمان لخوا د مدیترانې د ختیځې حوزې د ۲۴ هیوادونو په منځ کې د ۲۰۱۷ میلادي کال لپاره د تنباکو نه کارولو د نړیوالې ورځې د جایزې ګټونکی اعلان شو. 

Tobacco

په کندوز ولايت کې روغتيايي خدمتونه او د خلکو د عامه پوهاوي زياتوالي په دغه ولايت کې د مور او ماشوم د مړينې کچه تر ډېره بريده ښکته کړې ده.

مادران افغان به ملت شان زندگى جديد را ميبخشند و در حال حاضر به خدمات صحى بهتر دسترسى دارند، با سپاس از سرمايه گذارى نيروهاى ائتلاف در شفاخانه زنان در کابل. 

په خوست ولايت کې د نرسنګ او قابله ګۍ له دوه کلنو مسلکي زده کړو څخه اته څلويښت نجونې فارغې او ټولنې ته دخدمت په موخه وړاندې شوې. دغه شمير نجونې به دخوست د مرکز ترڅنګ په بېلابېلو ولسواليو کې پر دندو وګمارل شي ، چې دمعياري خدماتو په وړاندې کولو سره په لرې پرتو سيمو کې د مور او ماشوم مړينه په بې ساري ډول راټيټه شي.
د خوست د عامې روغتيا ريس ډاکتر ګل محمد الدين منګل هغه مراسمو ته ، چې د همدې نجونو دفراغت په تړاو رابلل شوي وه وويل، چې په ياد دوه کلن پروګرام کې روزل شوې نجونې د مرکز په شمول د لرې پرتو ولسواليو وي ،چې په دې سره به په لرې پرتو سيمو کې هم د مور او ماشوم د مړيني کچه راټيټه شي.

په هرات ولایت کې د زعفرانو د پروسس یو ستر مرکز ګټې اخیستنې ته وسپارل شو. په دغه مرکز کې د زعفرانو د پروسس او بسته بندۍ سربیره، څه باندې ۷۰۰ کسانو، په تیره بیا ښځو ته د کار زمینه برابره شوې ده.

په سوېل کندهار ولایت کې ځایي حکومتي چاواکي وایي، د «مرسي کور» غیر دولتي موسسې په مرسته په کندهار، ارزګان، او هلمند ولایتونو کې به د پستې ۴۵۰ باغونه جوړې شي.

د پکتیا ولایت بزګران وايي، چې په دغه ولايت کې د "شنو خونو" کښت د پراختيا په حال کې دى او له دې لارې دوی ښه حاصلات ترلاسته کړي دي. شنې خونې د لرګیو او المونيمو ستنې لري، چې پر پلاستيک پوښل شوي او هوا کشونه هم لري.

د هلمند ولايت ښه هوا د بېلابېلو کرنيزو محصولاتو د کښت لپاره مناسبه ده، له همدې امله کروندګر د کال په اوږدو کې د خپلو کرنيزو محصولاتو په راټولولو بوخت وي. اوسمهال په هلمند کې د کال د دويم فصل د کرنيزو محصولاتو د ټولولو وخت دى، چې ډيرى يې جوار، مى، مومپلي، لوبيا او نور محصولات جوړوي، چې کروندګر يې د کال د دويم فصل په نيمايي کې ترلاسه کوي.

له کلونو راهيسې کرنه د خوراکي توکو، کورنۍ اړتياوو د پوره کولو او د بوختيا يوه ښه سرچينه بلل کېږي او د افغانستان ډيرى وګړي کروندګري کوي. د افغانستان اسلامي دولت په هڅو سره اوس د کرنې سکتور په بې سارې توګه پرمختګ کړى دى.

Nangarhar Agriculture Developement

په هرات کې د غوڅ ملاتړ ځواکونو د دغه ولايت د کرنې له ادارې سره د څو موټر سايکلونو او يو شمير نورو اداري توکو مرسته وکړه. د دغه ولایت د کرنې رئیس عبدالصبور رحماني وايي، چې ١٠ موټرسايکلونه، ١٥ څوکۍ، ١٥ ميزونه، ٢٥ المارۍ او ٣ پرنټرونه په دغو مرستو کې شامل دي.

RS aid with Herat Agriculture

ملالۍ مبارز احمدي د جوزجان ولايت په شبرغان ښار کې مېرمنو ته يوه ځانګړې قهوه خانه جوړه کړې ده. په دې قهوه خانې کې ٥ ځايي ميرمنې کار کوي چې د ورځې په اوږدو کې د زده کوونکو او نورو مسلکي وګړو سربېره د ښار له ګوټ ګوټ څخه بې شميره  پېرېدونکي راځي.

احمدي سهار وختي خپل کورته نږدې په یوه جومات کې د لماځته تر ادا کولو وروسته خپله هټۍ کې کار کوي. هغه له ازادۍ غږ سره په یوه مرکه کې وویل، صداقت او پاکوالی هغه دوه صفتونه دي، چې له ده سره یې د ژوندانه چارو په برمخ بیولو او د حلال رزق په پیدا کولو کې مرسته کړې ده.

د هلمند سلګونه اوسېدونکو د یوې غونډې په ترڅ د جګړې له ښکیلو خواوو وغوښتل، چې سوله وکړي.

د هرات ښار د ۱۵ ناحیو د ګذر وکیلانو د یوې لویې غونډې په ترڅ کې د افغان دولت د سولې او اوربند د پروسې ملاتړ وکړ او له وسله والو طالبانو یې وغوښتل، چې له اوسنیو حالاتو په ګټې اخیستو سره دې جګړه بس کړي.

په خوست ولایت کې ګڼ شمېر ځوانانو او د مدني ټولنو فعالینو د وسله والو طالبانو له لوري د درې ورځني اوربند د اعلان هرکلی وکړ.

د کور او ښار جوړولو وزارت له خوا د قراردادي بستونو لپاره د رقابتي ازموینې لوموړی پړاو په کابل کې ترسره شو. دغه ازموینه د اداري اصلاحاتو او ملکي خدمتونو د خپلواک کميسیون په مرسته د سې شنبې او چهار شنبې په ورځ د کابل په پولې تخنیک پوهنتون کې واخيستل شوه.

د افغانستان په تاريخ کې د لومړي ځل لپاره يوه افغاني شرکت د لاجوردو له لارې د شوکاڼي بشپړ پروسس شوي پوډر اردن هېواد ته صادر کړل. له دې وړاندې، په افغانستان کې د دغه منرال د پروسس امکاناتو شتون نه درلود او يوازې خام شوکاڼي ګاونډيو هېوادونو ته صادرېدل. د ننګرهار ولايت په شيخ مصري پارک کې د 'کور ډريلرز' په نوم يوې فابريکې د ٢٠٠٠٠ امريکايي ډالرو په ارزښت چې معادل يې شاوخوا ١،٥ ميليونه افغانۍ کېږي، ٧٦ ټنه پروسس شوي شوکاڼي اردن ته صادر کړل.

د افغانستان او بهرنیو هیوادونو ترمنځ د هوایي دهلیزونو د پرانېستل کېدو په لړ کې دا ځل د بلخ او اروپایي هیوادونو تر منځ هوایي دهلیز هم پرانېستل شو.

د کندهار ولایت ځایي چارواکي وايي، چې له دې ولایت څخه د تازه میوو صادراتو کې زیاتوالی راغلی دی. 

د هرات د کرنې ریاست چارواکي وايي، د دوی شمېرې ښيي، چې سږ کال به په یاد ولایت کې ۱۰۰ ټنه شات (ګبین) تولید شي. په هرات کې د شاتو د مچیو صنعت لس کلنه مخینه لري.

په افغانستان کې د اصلاحاتو د پلي کولو او د پرمختیایی پالیسیو "د افغانستان د سولې او پرمختګ چوکاټ او د لومړیتوب لرونکو پروګرامونو" د عملي کولو، د اقتصادي ثبات تامین، د کورني عوایدو انسجام، د عامه مالي مدیریت ښه والي او په بودیجه کې د روڼتیا راوستولو څخه د ملاتړ په موخه نن د زمري میاشتې په ۳ مه نېټه اروپايي ټولنې د افغانستان دولت ته د ۹۸ میلیونه یورو نوې مرسته وکړه.

د افغانستان د ولسمشرۍ ماڼۍ مطبوعاتي دفتر په یوه خبرپاڼه کې ویلي، چې د ملي تدارکاتو کمېسیون اونیزه غونډه پرون ماسپښین د ولسمشر محمد اشرف غني په مشرۍ په ارګ کې جوړه شوه.

د هلمند پوهنې ریاست د ۲۰۰ ښځینه قراردادي ښوونکو د ګومارنې په موخه له شاوخوا ۵۰۰ مېرمنو څخه په بېلابېلو څانګو کې د آزاد رقابت له لارې آزموینه واخیسته.

روانه اونۍ تر ۲۰ ډېر افغان پیلوټان په چک جمهوریت کې خپلې زده کړې بشپړې او د فراغت سندونه ترلاسه کړي.

د کندهار ولايت ښځينه زده کوونکې وايي، چې په دغه ولایت کې اوس د نجونو لپاره د زده کړې ښې اسانتياوې برابرې شوې دي. د ساينسي نندارتون دغه ګډونوالې زده کوونکې وايي، چې ښځينه زده کوونکې اوس د ساینسي تجربو او نورو ښوونيزو اسانتیاوو ته زیات لاسرسۍ لري، چې دوی به ورڅخه مثبته ګټه واخلي.

د افغانستان د ملي اردو د ښځینه منسوبینو لپاره د کمپیوټر د زده کړې پروګرام د ۲۰۹ شاهین قول اردو په قومندانۍ کې پیل شو.

د ګرمسير ولسوال ايوب عمر وايي، چې د نجونو ښوونځيو په ګډون د دغې ولسوالۍ ټول ښوونځي د قومي مشرانو د مرستې پرمټ د زده کوونکو پرمخ پرانېستي دي. نوموړي زياته کړه، په دغه ولسوالۍ کې يو دارالمعلمين، يوه ديني مدرسه او ٣٩ ښوونځي فعال دي، چې ٢٨ يې ښې ودانۍ لري. 

د کندهار ولايت سيمه ييز چارواکي وايي، چې د دغه ولايت په ١٠ ښوونځيو کې شاوخوا ۱۸۰ نابینایان او کاڼه زده کوونکي پر زده کړو بوخت دي. د دغه ولايت د پوهنې د ریاست چارواکي وايي، د هغو کسانو لپاره يې، چې په طبيعي توګه د لېدلو، خبرو کولو او اورېدلو توان نه لري، ځانګړي ښوونځي په پام کې نيولي دي.

Kandahar Blinds

د افغانستان د خپلواکی ۹۹ کلیزه په پلازمېنه کابل او ولایتونو کې د بېلا بېلو مراسمو په ترڅ کې ونمانځل شوه.

د افغانستان د اسلامي جمهوریت ولسمشر محمداشرف غني نن له غرمې مخکې د جمهوري ریاست (ارګ) ارشیف پرانیست او د هغه له بېلابېلو برخو یې لیدنه وکړه.

د افغانستان د موسیقۍ ملي انستیتیوت او د امریکا متحده ایالاتونو د موسیقۍ ډلې د چهارشنبې په ورځ په ګډه د ۲۰۱۸ کال لپاره د پولار موسیقۍ نړیواله جایزه وګټله.

په وروستيو کې د کندز ولايت نفوس د تيرو لسو کلونو په پرتله له ٥٠ زره څخه ٣٠٠ زره کسانو ته لوړ شوى دى. ډيرى خلک له ناامنو سيمو څخه دغه ولايت ته راکډه شوي، چې له امله يې په کندز کې د خلکو ګڼه ګوڼه زياته شوې او ښاري خدمتونه ستونزمن شوي دي. خو د الله جل جلاله په فضل او کرم سره سيمه ييزه اداره توانېدلې د نړيوالې ټولنې په مرسته ټولې چارې په ښه توګه سمبال کړي. 

د پکتيا ولايت پر امنيه قومندانۍ د وروستي ترهګريز بريد د قربانيانو له کورنيو سره د يوه شتمن هيوادوال، اجمل ګلاب له خوا د خوراکي توکو مرسته وشوه.

Ajmal Gulab Aid

 

افغانستان د ټولو قومونو ګډ کور دی، چې له زرګونه کلونو راهیسې په یوالي او اتحاد کې ژوند کوي. د هیواد د ټولو ولایتونو وګړو تل د بېلابېلو ملي مسایلو په اړوند په یووالي او اتفاق سره پرېکړې کړي دي.

 

HMD Photo Borders and tribes affairs Director Ahmad Naveed Nazari 2

څلورم کال ته د نشه يي توکو پر وړاندې د مبارزې قانون او کړنلارې په داخلېدو سره د نشه يي توکو پر وړاندې د مبارزې وزارت او د دغو توکو پر وړاندې د مبارزې پوليس په ګډه د نشه يي توکو د کښت، توليد او قاچاق د له مينځه وړلو په برخه کې پرمختګ ته دوام ورکوي. دغه کړنلاره چې د لومړي ځل لپاره په ۱۳۹۵ کال کې پلې شوه، په حقيقت کې د وزارت د بنسټيزو دندو د ترسره کولو په برخه کې يوه څلور کلنه ستراتيژي ده چې چټک پرمختګ ته لار هواروي. د کوکنارو او د نشه يي توکو د لابراتوارونو له مينځه وړل، د کوکنارو د کښت په اړه څيړنې او د نشه يي توکو د قاچاق پر وړنداې مبارزه هغه څه دي چې دغه وزارت پرې زيات تمرکز کوي. له بل لوري ، په روان کال کې د نشه يي توکو پر ضد عمليات په بېساري توګه له لاسته راوړنو ډک و.


د کورنيو چارو وزارت د نشه يي توکو پر وړاندې د مبارزې مرستيال ډګر جنرال خليل بختيار وويل: "د ۱۳۹۷ له پيل راهيسې د نشه يي توکو پر وړاندې د مبارزې پوليسو په ټول افغانستان کې ۳۰۷۴ عمليات ترسره کړي دي. د دې عملياتو په ترڅ کې، ۳۳۰۷ مشکوک کسان د نشه يي توکو د قاچاق په تور نيول شوي چې د تير کال په پرتله ۳۲ سلنه زياتوالی ښيي."

 د دغو عملياتو په ترڅ کې د ۲۲۱۴۵ دانو "ټابليټ-ک" نشه يي ګولېو، په ګډون ۳۱۵،۶۶ ټنه نشه يي توکي نيول شوي دي. د عملياتو په پايله کې له قاچاقبرانو څخه ۵۲۷ موټر او موټرسايکلونه چې د نشه يي په ليږد راليږد کې ترې ګټه پورته کيده او ۳۴۳۴ موبايلونه او مخابرې هم ترلاسه شوې دي. د ښاغلي بختيار په وينا، د نشه يي توکو پر وړاندې د مبارزې پوليسو د عملياتو پر مهال ۳۰ لابراتوارونه، ۸ ګودامونه او د شرابو د توليد ۷ کارخونې هم له مينځه وړي دي. د نشه يي توکو پر وړاندې د عملياتو په ترڅ کې د طالبانو د ماينونو د جوړولو ۳ کارخونې او د دغې ډلې د سوق او ادارې مرکزونه هم له مينځه يوړل شول. په دې لړ کې د طالبانو د وسله يو زيرمتون هم کشف او ۳۱۷ ميله وسله او ۴۰ زره ډول ډول مرمۍ مهمات ترلاسه شول.

نشه يی توکي زموږ د هېواد او نړۍ لپاره يو لوی ګواښ دی. د نشه يي توکو ناقانونه کړنې نيغ په نيغه له نا امنيو سره تړاو لري. روانه جګړه چې لګښت يې د نشه يي توکو له لارې تامينيږي، د کلونو کلونو لپاره زموږ د خلکو ژوند له خطر سره مخامخ کړی دی. افغان دولت او امنيتي ځواکونه ژمن دي چې نشه يي توکي په ټول افغانستان کې له مينځه يوسي. افغانان د نشه يي توکو پر وړاندې د مبارزې پوليسو له هڅو مننه کوي او نشه يي توکو ته د 'نه' په ويلو سره د افغان ملي دفاعي او امنيتي ځواکونو ترڅنګ ولاړ دي.

د تيرې مياشتې درې ورځني سخت بارانونه د هېواد په سويلي او لويديځو سيمو کې د سختو سيلابونو د راوتلو لامل شول. د افغان ملي، دفاعي او امنيتي ځواکونو کړنې، د خدای (ج) له لوري يوه ډالۍ وه ځکه د هغوی هڅې ګړندۍ او ژغورونکې وې. د طبيعي پيښو سره د مبارزې په برخه کې افغان امنيتي ځواکونو لومړی په کندهار ولايت کې 350 سيلاب ځپلی وژغورل. د اوبو د کچې په لوړيدو سره، افغان زړور امنيتي ځواکونه د ميوند، ډنډ، ارغنداب او ارغستان ولسواليو ته هم ورسيدل.

په تېر يوه کال کې د جنايي جرمونو پر وړاندې د افغان ملي دفاعي او امنيتي ځواکونو مبارزه بريالۍ ثابته شوې ده. دغه ګام چې د کورنېو چارو وزارت له لوري پورته شوى پکې د جنايي پېښو پر وړاندې مبارزه کيږي او چې خلک هم د مشکوکو کسانو او غيرقانوني کړنو په اړه معلومات ورسره شريک کړي. د ٢٢٢ کسانو دغه نوملړ د خلکو له پراخ هرکلي سره مخامخ شو او خلک يې وهڅول چې جنايت کاران وپلټي. 

 

د هرات ولایت امنیتي ځواکونو په یو لړ ځانګړو عملیاتو کې د ترهګرو یوه ډله نیولې ده. د هرات د امنیه قومندانۍ چارواکي وايي، چې دغه ډله چې مشري یې ملامحمد ایوبي کوله، د دې ولایت په پشتون زرغون ولسوالۍ کې فعالیت درلود.

ننګرهار کې د ملي امنيت رياست په هلو ځلو د پنځو قوماندانانو په ګډون ۷۵ وسله وال طالبان د سولې له پروسې سره يوځای شول او خپلې وسلې يې چارواکو ته وسپارلې.

د هلمند ولایت امنیتي چارواکي وايي، چې د ولسي جرګې ټاکنو لپاره ددې ولایت په ټولو سیمو کې بشپړ امنیتي تدابیر نیول شوي او پارلماني ټاکنې به د امن په فضا کې ترسره شي.

د افغانستان ولسمشر محمد اشرف غني، د ولسمشر لومړي مرستیال جنرال عبدالرشید دوستم، د ولسمشر دوهم مرستیال سرور دانش او د ملي یووالي حکومت اجرائیه رییس عبدالله عبدالله نن په کابل کې سره وکتل.

د ملي یووالي حکومت اجرائیه رییس عبدالله عبدالله په دوشنبې ښار کې د اوبو د ناستې په څنډه کې د پاکستان له ولسمشر ممنون حسین سره وکتل.

د کندهار ولایت د ټاکنو د خپلواک کمېسیون رییس محمد هاشم دراني وايي، چې تردې دمه په کندهار ښار کې دوه لکه پنځه اویا زره کسانو د راتلونکو ټاکنو لپاره نوم لیکنه کړې، چې ۴۳۰۰۰ زره یې ښځې دي

د افغانستان ولسمشر محمد اشرف غني او د امریکا متحدو ایالتونو د ولسمشر مرستیال مایک پنس د طالبانو د پسرلنيو عملیاتو په ګډون پر یو شمېر مهمو مسایلو خبرې وکړې.

د افغانستان د نفوسو د احوالو د ثبتولو عمومي ادارې او ولسمشرۍ ماڼۍ وایي، چې د ولسمشر محمد اشرف غني په ګډون د لوړپوړو چارواکو د برېښنایي تذکرو د بایومتریک چارې پیل شوي دي.

 

د هرات سیمه ییز چارواکي او اوسېدونکي په بروکسل کې د ناټو ددفاع وزیرانو ناستې د جوړېدو هرکلی کوي او هیله مندي ښيي، چې دغه ناسته به د افغانستان لپاره مثبتې امنیتي پایلې ولري.

Herat governor spokesman

د لومړي ځل لپاره وروسته له ۹ کلونو څخه د کابل په ریشخور کې یو معیاري مسلخ د ولسمشر محمداشرف غني او د کرنې، اوبو لګولو او مالدارۍ وزیر نصیر احمد درانی په شتون کې نن سهار ګټې اخیستنې ته وسپارل شو.

د افغانستان ولسمشر محمد اشرف غني په غزني ولایت کې د پراختیایي پروژو د پلې کولو لپاره له دغه ولایت سره د ۱۰۰ میلیونه افغانیو مرستې خبر ورکړ.

ولسمشرۍ ماڼۍ په یوه خپره کړې خبرپاڼه کې ویلي، د ولسمشر محمد اشرف غني په مشری د ملي تداکارکاتو کمېسیون د غونډې په ترڅ کې د ۳،۲ میلیارد افغانیو په ارزښت ۱۷ تدارکاتي موارد منظور شوي دی.

د حامد کرزي په نړیوال هوایي ډګر کې د رادار نوی سیستم نن د ولسمشر محمد اشرف غني له خوا پرانېستل شو، ددغه نوي سیستم په پرانېستل کېدو سره تر شاوخوا ۲۶ کلونو وروسته د افغانستان هوایي حریم د هوایي چلند د خپلواکې ادارې تر کنترول لاندې راغی.

د کندهار د دهلې بند د رغولو او یو شمېر نورو پروژو لپاره ۴۵۰ ميليونه ډالر لګول کیږي.

د شیخ خلیفه بن زاید آل نهیان یا د اماراتو ښارګوټی نن د جګپوړو افغان او د متحده عربي اماراتو هیواد د چارواکو په شتون کې پرانیستل شو.

FaLang translation system by Faboba